“Arday aan jeebkiisu qalin kujirin, Waa askari aan qasnada qoraygiisu rasaas kujirin oo kale”
~ Cabdixakiim sh Cabdulaahi ~.
Ujjeeddada oraahdaan ayaa ah in dhamaan ardaydu diyaar la ahaadaan agabka ay wax kubaranayaan sida qalimaanta, buuggta iwm.
Waxaa ay xikmadaan ama oraahdaan Ku dhex jira in ardayga aan qalinka wadan uu lamid yahay askari aan qasnada qoraygiisu rasaas kujirin, taas oo Ku tusineysa in askarigu sababta uu qoriga usito tahay udiyaarsanaanta dagaal ama isdifaacid nafsi ah ama difaac bulsho iyo dana qaran, gobal iwm, waana muhiim in askarigu qorigiisa rasas kujirto si uu ugu sayriyo cadawga uu waardiyaha isaga jiro ama uu umada uga jiro.
Sidaa si lamid ah ayaa waxa muhiim ah in ardaygu yahay arday uu u diyaarsanyahay qalankii uu wax kuqori lahaa, si uu ugu qorto casharta, meelaha muhiimka ah, xikmadaha iyo tusaalooyinka mugga iyo miisaanka leh ee kasoo butaacanaya baraha ardayga, indha ergaradka, aqoonyahanka iyo dhamaan asxaabta kale ee cilmiga usaaxiibka ah.
Marki aad dagaal isu diyaarinaysid ama aad galaysid waa in aad heysataa hub aad isku difaacdid sida qori, mindi ama tooreey, ul, baangad, faas iwm sidaa si lamid ah marka aad galaysid dagaal cimliyeed waa inaad wadataa hubkaada oo ah qalinka iyo buugga.
Qalinku waxa uu ka awoodbadanyahay qoriga, waxaana tusaale u ah, dagaaladii soomaray dunidaan oo hishiisyo lawada galay sababeen dagaalo sii socday, waxaa dagaaladii dowladihii looga awood roonaaday lala galay heshiisyo kuwaas oo dhigaya in aynaan 100, 40, 50, 60, 10, sano iwm aynaan hub sameysan karin, shidaal qodan karin, xadidaan waxa ay sameysanayaan iwm.
Qalanku awooda uu leeyahay ma ahan wax la soo koobi karo, waxa uu qalinku ku dhigaa halka aad dhigto ama aad gaarsiiso. Qalinka xikmadihiisa ama oraahyada cajiibka ah ee waxgaradka, xeeldherayaasha, suugaanleyda iyo aqoonyahanka soomaalidu ay ka sameeyeen waxa kamid ah xikmadaan laga hayo abwaanka weyn ee Abwaan Hadraawi, waxa ayna oraneysaa:
Qalinkaa wax suureeya
Kugu sima halkaad doonto
Saaxiib kal furan weeye
Sunto fara ku hayn-tiisa
Waligaa ha sii daynin...
~ (Hadraawi) ~
Xikmadaan waa mid igu soo dhacday waqti hore, oo aan aad ufogeyn waana sababta aan ujeclaystay in aan ku dhiirado oo aan idinla wadaago. Si ay unoqoto xikmada taaba gasha.
Balanteenu waa akhriska, qalinka, qoraalka iyo is qadarinta. Aadbaan kaaga mahadcelinayaa akhrinta qoraalkaan.
Mahadsanid.
Comments
Post a Comment